Programación / Events / Programme 2026

RESERVAS: Por estricta orde de chegada ao email: informacion@saramaganta.info




EVENTOS

• Día 2 de xullo de 2026. 22:00 horas. Concerto PAVA (dúo). Lucía Aldao + Pablo Silva. Entrada a 10€


PAVA dúo, con Lucía Aldao na voz e Pablo Silva á guitarra, é a versión íntima de PAVA, a banda liderada pola escritora.


Neste formato espido hai espazo para establecer un xogo diferente coas espectadoras a través doutras interpretacións, collidas con humor e amor para ofrecer un espectáculo especial, digno dunha noite de xullo ao pé do río.










• Día 8 de xullo de 2026. 22:00 horas. Concerto de Os Tres Porquiños. Entrada a 10€


Tras dez anos recorrendo Galicia a base de pisar bares, salas, chiringuitos, prazas, festas, bodas... Seguimos aledándonos cada vez que a xente sorrí e lle bota un baile ou un cante connosco e buscando transmitir alegría e diversión a través das nosas versións de rumba, reggae e ska.

Os Tres Porquinhos somos Dani ao violín e a voz, Román á guitarra e aos coros e Yago ao caixón e demáis percusións. Entre os nosos referentes temos a artistas como Manu Chao, Los Rodríguez, La Cabra Mecánica, Buena Vista Social Club... e ainda que non o parezca tamén están La Polla Records ou Extremoduro. Só tes que vir a vernos para convencerte e pasar un bo rato! :)




• Día 15 de xullo de 2026. Concerto de ELOS. Marta Bravo e Sérgio Tannus. Entrada a 10€


Os ELOS son os aros que forman unha cadea; son elementos relacionados entre si que dan orixe a algo novo. E así se define este dúo, como un percorrido por diferentes músicas do mundo cunha marcada identidade persoal onde se relacionan música, emocións e familia.

Á destacada traxectoria profesional de Sérgio, caracterizada pola virtuosidade e pluralidade, súmaselle a calidez e versatilidade da voz de Marta.

Este dúo presenta temas propios e algunhas versións, mesturando as raíces brasileiras de Sérgio e as influencias estándares de Marta dando lugar a ritmos, harmonías e melodías pegadizas e pouco previsibles que non deixan a ninguén indiferente . Desde a samba ó soul, pasando polo funky ou os ritmos africanos,as súas músicas adáptanse a públicos diversos, cunha posta en escena inclusiva na que a participación do público e o ambiente familiar son a clave.




• Día 16 de xullo de 2026. Encontro e cancións con Guadi Galego. Entrada: taquilla inversa


Guadi Galego presenta no FestiLonia un formato pouco usual: un encontro, unha charla, un espazo conxunto e próximo... para falar das cancións, de por que escribe o que escribe, das historias detras de cada canción. Un anaco de tempo para compartir as súas inquedanzas e o seu xeito de estar no mundo, ademáis de escoitala e acompañala con algún dos seus temas...

A traxectoria de Guadi Galego é extensa e sobradamente coñecida, sendo unha das persoas máis influíntes do panorama musical galego.






• Día 21 de xullo. Concerto de Raíña Lupa. Entrada a 5€


Lore e Pablo, o motor de The Tetas’ Van, fartas de facer versións, deciden facer ruido, destrozar tímpanos, berrar pola revolución e oubear á lúa.

Deciden poñerse na parte de adiante do escenario vendo que o aplauso, a fama e a calor do público chega mellor.

O ruido é o mesmo pero poden berrar a gusto contra a opresión, o capitalismo, a ultradereita, o sexismo, o racismo, e experimentar con sons heterodoxos. Raíña Lupa porque con vontade, coñecemento e enerxía comezamos esta nova revolución









• Día 28 de xullo. Concerto de The Tetas' Van. Entrada a 10€


Chegou a revolución en feminino!!! The Tetas´ Van somos un grupo de chicas na súa maioría (ainda que contamos con marabillosos músicos chicos nos nosos cabaréts) que pretende revolucionar as salas de concertos coas súas músicas. Ainda que somos especialistas en versións o noso obxectivo é o de divertir transmitindo, reivindicando e loitando contra as inxustizas que nos tocan a todas, a través da nosa língua galega. Pretendemos ser tamén a voz de todas aquelas que desexen que cantemos os seus poemas, textos ou melodías e por iso contamos ca colaboración de poetisas que nos regalan as súas verbas encantadas. The Tetas´ Van somos artistas e malabaristas xa que combinamos a nosa vida de profes, estudiantes, nais, irmás, tías e amigas ca de músicas que buscan a diversión e a felicidade a través das notas.